Kon sa imong pagpauli, nangligabgab
Ang mga gangis ug wala motagbo
Ang sinilihang mga pulong:
(Diin ka na usab gikan?
Maayo ka nakainom og sabaw
Sa pasaw! Kami hangin ra!)
Ug dili na mobagting ang dalunggan
Inigkalawat sa ebanghelyo sa bata,
Paghubog ug paglipay
Kay bulahan ka.
Natulog na ang asawa
Nga magkaon og sili samtang
Maghangad sa Buwan.
Ug miuk-ok na ang dila
Sa napagaw nga bata.
7 years ago
0 comments
Post a Comment