Tigi sa Pagsulat og Gumalaysay sa Sinugboanong-Binisaya

Ang bulan sa Mayo maoy Month of the Ocean sa Pilipinas. Kini ang gideklarar sa Presidential Proclamation no. 57. Sa pakighiusa ning maong okasyon, ang Sinugboan ug Bisaya Forum naglusad og tigi sa gumalaysay (personal essay)

Mga Lagda:


1. Bukas ang tigi sa tanang mga batan-on (hangtod sa 22 ang edad).

2. Ang salmot kinahanglang orihinal ug dili hinubad gikan sa laing pinulongan, ug dili sinundog gikan sa laing mga sinulat; ug wala pa makadaog og major prize sa ubang kontes, ug wala pa mapatik sa bisan unsang basahon ug sa Internet.

3. Ang mga salmot dili butangan og timailhan sa tagsulat bisag dagangalan. Isukip sa salmot ang pinirmahan nga Panghimatuod nga ang salmot iyang kaugalingon sa tagsulat ug photocopy sa birth certificate. Isulod kini sa lain nga sobre uban sa Ngalan sa Tagsulat, Adres, Ulohan ug Contact Number ug takpan.

4. Ang gumalaysay pinasikad sa tema Pag-amping sa Kinabuhing Dagatnon Ingong Kadugtongan sa Kaliwatan Ngadto sa Umaabot. Tulo ngadto sa lima (3-5) ka pahina sa double space sa 8 ½ x 11 bond-paper, font size 12.

5. Usa lang ka entry ang ipadala. Ang mapatud-an nga nakalapas sa lagda, dili na mahiapil sa kontes.

6. Gikan sa mga entry, magpili og napulo ka finalist nga ipatik sa Sinugboan ug Bisaya Forum sugod sa Mayo 7, 2008. Ipahibalo ang mananaog sa Mayo 31, 2008.

7. Mga Ganti: Unang Ganti – P1,500,00 ug sertipiko; Ikaduhang Ganti – P1,000.00 ug sertipiko; Ikatulong Ganti – P700.00 ug sertipiko; Tulo (3) ka Pinasidunggan (Honorable Mention) P200.00 matag usa ug sertipiko.

8. Dugang niini ang mga mananaog nga entry dunay kahigayonan nga mapatik sa Bisaya magazine ug makadawat usab og bayad.

9. Ang desisyon sa mga maghuhukom ilhong pinal ug dili na malubag.

10. Ang pagpanawat sa salmot giuswag ngadto sa Mayo 3, 2008. Ipadala ang salmot sa Bisaya Magazine, c/o Eleazar Acampado, MB Building, Muralla corner Recoletos, Intramuros, 1002 Manila. Mahimo usab nga ipadala sa e-mail (Word attachment) ang entry uban sa scan photocopy of birth certificate ug linain nga Ngalan sa Tagsulat, Adres, Ulohan ug Contact Number ngadto sa sinugboan@gmail.com. Alang sa mga pangutana e-mail o text sa numero 09279523000.