Napulo ka Sugo sa Manginginom

Kon dunay napulo ka sugo ang atong Ginoo alang kanato nga gipadayag pinaagi kang Moises, ang kinaiyahan aduna usay sugo alang sa manginginom.

Kining napulo ka sugo ako nabasa nga gisulat gamit ang pentel pen sa pinulongang Tinagalog diha sa short bond paper ug gipapilit kilid sa bungbong sa usa ka imnanan sa tindahan duol sa akong gipuy-an sa Bayabas St., Sampaloc Site II, Barangay BF Homes, Sucat, Parañaque City.

Sa pagkabasa ko niini nahimuot ko. Tingali naig-an ko sa ubang mga nakalista nga sugo. Ang maong sugo akong gihubad sa Binisaya. Ug ania atong ambitan…


1. Dili magpabuyag samtang nag-inom.
2. Dili mag-inulit sa pulotan.
3. Dili dugayon ang baso sa kamot kay duna pay naghulat sa tagay.
4. Dili kay moinom ra ug moinom. Angay usab nga mopalit.
5. Moinom nga idiretso sa tiyan dili sa ulo.
6. Dili matulog samtang nag-inom.
7. Mananghid kon mouli na dili kay kalit lang mawala.
8. Magbilin og ilakaw pauli bisan og kumagko lang.
9. Seguradohon nga makauli sa balay kon mahubog.
10. Dili mag-bring house og pulotan.