ROSEMARIE REYES Beso Import Export Trading Corporation

ROSEMARIE REYES
Beso Import Export Trading Corporation
Pasay City

Ang malamposong pagpuga sa duga sa ukban

Wa makakuhag katagbawan sa pagpangomprag manggad sa gawas ug pagbaligya niini dinhi sa Pilipinas, sila si Rosemarie Reyes ug ang iyang partner nga si Florina Maliway mingpalit sa patigayon ni Candoy sa 2001, sa pagsugod nagprodyus og inespeso nga duga sa ukban pinaagi sa produksiyon lang sa nataran.

Si Rosemarie ug ang iyang partner nagtuo nga ilang makuha kanang danglog nga katagbawan kon sila mohimo og butang alang sa nasod. Ilang gihikay ang tanang gikinahanglang papeles aron makaprodyus og dinaghan ug biyaan ang produksiyon nga anha lang sa nataran. Ug busa, ilang gitukod ang Beso Import Export Trading Corporation.

Sa aktibong pagtambong og mga sinemanang tabo, nakakuha silag positibong tubag gikan sa ilang mga konsumidor. Paglabay sa usa ka tuig, nakahimo na sila pagsulod sa mga supermarket, hotel, kan-anan, ug pribadong balay-lulinghayawan.

Hanoy ang pamugsay sa ilang operasyon. Apan pagka 2005, ang mga kakompetensiya misugod nag sulod sa merkado. Mihinay ang operasyon. Ang hagit mao nga unsaon nila pagmintinar sa operasyon nga ang pipila ka trabahante nagsandig man sa ilang negosyo sa panginabuhi.

Ang manag-abay miangkon nga nakahimo silag sayop nga hukom sa kanhiay kalabot sa ilang patigayon. Wala kaayo nila mamaayo pagbahin-bahin ang ilang puhunan. “Kami mas misentro lang unta sa aspeto sa pagpamutos ug pagbaligya,” panghayhay niya.

Sa kaguol sa paghinay sa negosyo, mitambong siya og trade show sa gawas ingon nga exhibitor. Pinaagi niini, nasayran niya ang lainlaing nagpaluyong programa nga mahatag sa Departamento sa Agrikultura (DA).

“Nalipay kaayo ko nga dunay DA,” matod ni Rosemarie. Ang Departamento sa Agrikultura mitabang sa promosyon pinaagi sa pagdasig sa pagtambong sa mga trade exposition sa gawas. Nahibalik kaniya ang kompiyansa ug misaad nga motabang siya nga sustenehan ang industriya sa ukban pinaagi sa iyang patigayon. Iyang gikonsiderar ang pagpaluyo sa kagamhanan nga “makapasibot” tungod kay kini ang dugay na niyang gipangita sa iyang industriya.

Ang mga galamitong materyal sa Beso nagagikan sa mga mag-uuma sa Quezon ug Mindoro. Si Rosemarie nagprodyus na karon og linangkob nga duha ngadto sa tulo ka tonelada matag semana alang sa lainlain niyang linya sa produkto sama sa Dalandan diet concentrate, Calamansi concentrate, Calamansi diet concentrate, ug mainom-na-nga-Dalandan.

Sagad sa mga produkto gibaligya ngadto sa mga balikbayan kinsa mamalit niini isip sinugatan sa mga higala ug kabanay sa gawas. Ang mga produkto giplastar usab sa Agribusiness Expo Showroom ug Agri Cart nga makita sa lainlaing Duty Free Shops.

Sa pagkuyog sa panahon, ang Beso Import Export Trading Corp nagpadayon sa pagpalambo sa ilang produkto, pinaagi sa paghimog mga pagsulay sa pagpalambo sa organikong duga sa prutas. Ug sa tinuod lang, ang kompaniya nakatabang sa pagbayaw sa industriya sa ukban samtang nagahatag sab og panginabuhian sa uban. Sa umaabot nga katuigan, ang managpartner nagtinguha sa pag-eksport sa produktong Candoy lukop-kalibotan.

Mga Tip

• Prosesohon dayon ang ukban human maipo aron magpabilin ang kapresko
• Pilion ang “old green” nga ukban alang sa pagproseso
• Hustong pag-eskedyul sa pagtumod makatabang sa pagpamenos sa gasto