USA sa mga paagi aron mahimong eksperto sa pagdaginot sa imong kuwarta ang pagkunhod sa imong magasto sa mga balayronon. Dili lang nimo maamgohan, kon dili susihon, nga ang mga balayronon nahimo nang higanteng alimatok nga misupsop sa halos tanang nimong kinitaan. Ang pagbaton og talaan o rekord sa mga nagasto maghatag og kahigayonan sa pagsusi kon kini mikutkot na ba sa imong bulsa. Niini, makaaplay kag mga paagi unsaon nga makunhoran kini apan dili masakripisyo ang mahinungdanong panginahanglan sa pagpakabuhi matag adlaw.

Unsaon nga makadaginot sa balayronon sa kuryente

Ang balayronon sa kuryente maoy nag-una sa talaan kay halos nagdepende ang atong kinabuhi sa mga aplayanses nga gipadagan sa kuryente. Migamit kitag daghang aplayanses sa halos tanang oras sa panimalay. Kining mga butanga mokonsumo og daghang enerhiya nga molutaw sa balayronon sa kuryente matag buwan.

Sa padayon nga pagtaas sa balayronon sa kuryente, angay lang nga mangitag paagi nga makunhoran ang paggamit sa kuryente. Ang mga yano apan nalingatan nga energy saving tips makatabang og dako sa pagpaubos sa paggamit sa kuryente  ilabi na diha sa matag panimalay. Magamit nimo ang pormula nga nasulayan nang epektibo sa daghang panahon ug uban pang mga ideya.

Aniay yanong mga paagi nga imong masulayan aron episente ang paggamit ug makadaginot usab sa balayronon sa kuryente.

·         Gamit sa bag-ong compact fluorescent light (CFLs) bulbs kaysa tradisyonal nga mga bombilya. Ang CFLs mahimong molungtad og lima ka pilo kaysa incandescent light bulbs ug mokonsumo og mas diyotay nga enerhiya. Sa paggamit sa CFLs, mahimo kang makamenos og 10 ngadto sa 15 porsento sa imong balayronon sa kuryente matag bulan.

·         Seguroon nga tangtangon ang gisaksak nga kutay sa kuryente sa aplayanses ilabi na kadtong dunay stand-by mode function. Kay ang pagpawong lang sa power button diha sa remote control o sa aplayanses mismo dili paigo tungod kay ang aplayanses padayon gihapong mokonsumo og kuryente samtang naa sa stand-by mode.

·         Sa gabii, pawngon ang cooling control system sa refrigerator apan dili tangtangon ang kutay sa kuryente sa power source niini. Kini makamenos usab og 10 porsento sa konsumo sa kuryente.

·         Ablihan lang ang refrigerator kon gikinahanglan.

·         Kon adlawan, mas maayo nga ablihan lang ang bentana kaysa pasigaon ang mga suga.

·         Pagngon ang mga suga matag higayon nga mogawas sa kuwarto.

·         Mamalantsa na lang og kausa sa usa ka semana.

Unsaon nga makadaginot og kuwarta sa imong paggroseri

Daghang mga paagi nga makunhoran ang balayronon sa paggroseri. Apan kini wala magpasabot nga ikompromiso ang kalidad sa mga produkto nga paliton. Hinuon, maoy buhaton ang paggamit sa mga teknik nga makatabang nga makadaginot sa imong pagpanggroseri.

Mga paagi nga makadaginot kon maggroseri:

·         Sa dili pa moadto sa groseri, ilista ang mahinungdanong paliton.

·         Maggroseri nga mag-inusara. Kon dunay kauban, mahimong madugangan ang gasto kay mahimo man usab silang mamunit sa ilang magustoan.

·         Maggroserig sayo. Niini, dali ka rang makapili sa imong paliton nga naa sa imong listahan ug diyotay ra sab ang magasto.

·         Likayan ang paggroseri kon gutom. Kay seguradong daghan ang mahimong paliton.

·         Dili maggroseri kon gikapoy. Kay makapalit kag daghang tam-ison nga pagkaon.

·         Magdala og calculator. Niini, mahimo nimong makompyut kon ang presyo sa kada usa ka produkto diha sa usa ka kahon mas barato kaysa pagpalit og usa lang sa samang produkto.

·         Susiha ang imong resibo. Kay bisan og unsa pa ka mabinantayon ang mga kahera o tigbantay sa groseri, masayop gihapon.

Ang mga nahisgotan sa unahan mga yanong estratehiya lamang apan dakog ikatabang nga mamenosan ang galastohan. Ug kini dako usab og epekto sa pagdaginot sa imong kinitaan nga mahimong magamit sa ubang mahinungdanong panginahanglan sa pamilya ilabi na biste ug edukasyon sa mga anak.

Sa panukiduki ni Panos Ipeirotis, associate professor sa New York University, gipakita nga ang Bangladesh, India, Pakistan ug Pilipinas ang nag-unang mga nasod sa Asya nga daghan og aktibong kontraktor sa oDesk (www.odesk.com) karon. Sa listahan sa gidaghanon sa freelance contractor, ang Pilipinas nakarehistro nag 10,900+ gisundan kini sa India (10,300+), Estados Unidos (3,500), Bangladesh (2,200+), Pakistan (1,900+), Ukraine (2,400+) ug Russia (1,900+).

Hinuon, dili na ta matingala sa gidaghanon sa mga Pilipino nga nanagtrabaho sa oDesk karon. Sa kadaghan sa mga gradwado sa kolehiyo nga walay kasudlang trabaho sa mga kompanya sa ilang dapit, natural nga mangita gayog mga paagi nga makatrabaho bisan sa dili normal nga sitwasyon ug usa na niini ang pag-aplay og trabaho sa oDesk. Ang Pilipinas usa na usab ka dakong merkado sa BPOs (business process outsourcing), nga nagpasabot lamang nga daghang kliyenteng langyaw ang miayon sa kamaayong motrabaho sa mga Pilipino bisag gamayg suweldo.

Ug ang mga Bisaya dili sad maulahi sa pagpangita og trabaho sa oDesk, usa ka onlayn nga merkado sa trabaho diin magamit ang nakat-onang kahibalo ingon man abilidad ug kasinatian nga bugtian og dolyar. Pipila sa mga ehemplo nato sila si Chonalyn S., Reyden Hinampas, Thea Mae Enquilino, Neciforo L., Mae Almonguerra, Joel Dampog ug Russell N.

Chonalyn S.

Si Chonalyn S. nga taga Dakbayan sa Iligan, nagtagana og mga serbisyo sa mga mosunod: social media marketing, virtual assistant, data entry, design, project-management, typing, translation, microsoft-word, data entry, data encoding, public relations, ubp. Narehistro siya sa oDesk sa Agosto 10, 2010 ug karon nakatala nag 734 ka oras nga pagtrabaho.

Talaan sa kasamtangang trabaho:

Facebook / Linked In / Twitter Creator

Feb 2012 - Present
109 ka oras @ $3.50/oras
Kita – $383

Virtual Assistant for eCommerce Support

Nov 2011 - Present
520 ka oras @ $3.33/oras
Kita – $1,757

Reyden Hinampas

Si Reyden Hinampas nga taga Valencia, Bukidnon, nagtagana og mga serbisyo sa mga mosunod: socia media marketing, audio editing, administrative support, data entry, virtual assistant skills, video production, ubp. Narehistro siya sa oDesk sa Disyembre 28, 2010 ug karon nakatala nag 1,606 ka oras nga pagtrabaho.

Talaan sa kasamtangang trabaho:

Sales & Lead Generation

Feb 2012 - Present
287 ka oras @ $3.33/oras
Kita – $954

Virtual Assistant

Sep 2011 - Present
29 ka oras @ $2.22/oras
Kita – $65

Web research/spread sheet design/datacollection/map research

Jul 2011 - Present
317 ka oras @ $2.22/oras
Kita – $704

Tech savvy PA required

Jul 2011 - Present
237 ka oras @ $5.56/oras
Kita – $1,318

Thea Mae Enquilino

Ang taga Dumaguete nga si Thea Mae Enquilino nagtagana og serbisyo sa mga mosunod: expert data entry, virtual assistant, social media marketing, social book marking, keyword research, blog writing ubp. Sa pagsugod niyag parehistro niadtong Nobiyembre 10, 2009, nakatala na siyag 2,295 ka oras nga pagtrabaho.

Talaan sa kasamtangang trabaho:

Social Media Virtual Assistant

Apr 2012 - Present
69 ka oras @ $3.76/oras
Kita – $258

Data Entry

Mar 2012 - Present
87 ka oras @ $5.56/oras
Kita – $484

Social media exposure for Skirt Strategies

Nov 2011 - Present
162 ka oras @ $5.56/oras
Kita – $900

Social Media Administrator

Aug 2010 - Present
760 ka oras @ $3.33/oras
Kita – $2,531

Social Media Assistant to Karen

Jul 2010 - Present
203 ka oras @ $3.33/oras
Kita – $677

Neciforo L.

Si Neciforo L. nga taga Dakbayan sa Talisay sa Sugbo, nagtagana og serbisyo sa mga mosunod: web researcher, social media marketing, search engine optimization, data entry ubp. Sa pagkakaron, nakatala na siya 4,436 ka oras nga pagtrabaho sukad siya marehistro sa oDesk niadtong Pebrero 3, 2010.

Pipila sa kasamtangan niyang trabaho:

Data Entry Specialist

Dec 2011 - Present
590 ka oras @ $3.33/oras
Kita – $1,975

Marketing a website

Dec 2011 - Present
811 ka oras @ $2.22/oras
Kita – $2,382

Mae Almonguerra

Si Mae Almonguerra nga taga Surigao, nagtagana sa mosunod nga mga serbisyo: search engine optimization, social media marketing, date entry, forum posting, blog writing ubp. Sa kasamtangan nakatala na siyag 2,281 ka oras sukad siya nagsugod pagpangitag trabaho sa oDesk niadtong Oktubre 21, 2010.

Trabaho sa kasamtangan:

                                   

Manual Blog Commenting Expert

Jan 2012 - Present
360 ka oras @ $2.78/oras
Kita – $1,001

Joel Dampog

Si Joel Dampog nga taga Bohol nagtagana og mga serbisyo sa mga mosunod: SenukeX expert, Best spinner, content creator, search engine optimization, forum posting, blog commenting, web design, adobe photoshop, social media marketing ubp. Sukad sa Oktubre 20, 2009 sa iyang pagparehistro, nakatala na siyag 4,103 ka oras nga pagtrabaho.

Mga trabaho sa kasamtangan:

SEO/SeNukeX expert

Apr 2012 - Present
9 ka oras @ $11.11/oras
Kita – $104

SEO Consultant

Feb 2012 - Present
155 ka oras @ $8.89/oras
Kita – $1,378

SENukeX Operator

Nov 2011 - Present
280 ka oras @ $8.89/oras
Kita – $2,491

Build Mini Nets & Link Pyramids

Oct 2011 - Present
666 ka oras @ $6.00/oras
Kita – $3,996

Senior SEO

Sep 2011 - Present
342 ka oras @ $4.44/oras
Kita – $1,519

SE Nuke expert from Phillipines

Jun 2011 - Present
354 hours @ $5.00/oras
Kita – $1,771

Russell N.

Ang taga Dakbayan sa Davao nga si Russell N. nagtaganag serbisyo sa general accounting, sales ug telemarketing accounting. Sa kasamtangan, nakatala na siyag 2,663 ka oras nga pagtrabaho sukad siya marehistro niadtong Nobiyembre 13, 2009.

Trabaho sa kasamtangan:

Outbound and inbound call outsourcing/ VA

Apr 2010 - Present
2,664 ka oras @ $2.22/oras
Kita – $5,453

Kining pito ka mga Bisdak mga ehemplo nga tinuod nga dunay dakong oportunidad sa pagpanarbaho sa oDesk nga mokitag dolyar. Busa, way rason nga dili makatrabaho sa onlayn man o dili ang mga nanagpangitag trabaho karon basta tinguhaon lang ug gamiton ang nakat-onang kahibalo alang sa personal nga kalamboan.

Ang oDesk ang usa sa labing maayong balayan alang sa nagpangita og trabaho ug sa mga freelancer. Naay daghang bakanteng trabaho ning balayan ug ang paagi sa pagpamayad gisaligan sa mga employer ug sa mga kontraktor. Kon ikaw nagplano nga magsugod og virtual career, akong girekomendar ang oDesk.

Sa oDesk, dili ka lang magtukod og kahinguhag kuwarta, nagtukod ka usab sa imong birtuwal nga karera. Ang balayan magmentinar sa rekord sa miagi ug kasamtangang nakuha nga mga kontrata ug mahimo nimo kining magamit aron makakuhag malungtarong source of income. Sa higayon nga makakuha ka nang kontrata, ipakita ug ihatag ang tanan nimong mahimo sa imong abilidad tungod kay ang employer maghatag og feedback sa imong performance nga permanenteng marehistro sa imong rekord sa oDesk.

Kon dili ka motuo nga makapangaplay kag trabaho ug mokitag dolyar sa oDesk, ako ang pruyba.

Sa duha ka semana nakong pagpangaplay sa oDesk, nakapag kog trabaho nga ang himoon mao ra ang pag-set up og mga account sa Blogger, Wordpress, Twitter, Facebook, Squidoo, Hubpages, Tumblr, ug ang pagsulat og SEO-optimized nga mga artikulo. Nagsugod kini sa Marso 26, 2012.

Sa 32 oras nakong pagtrabaho sukad sa Marso 26 hangtod sa Abril 2, mikita kog $64 sa tag $2 kada oras. Ug kining kantidara ahong gi-withdraw niadtong Abril 11 aron ideposito diretso sa UnionBank EON Account. Nakibrahan kinig $.99 sa withdrawal service fee. Niini, akong nasuta ang usa ka semana nga suweldo sa pagpanarbaho sa oDesk makuha duha ka semana human masumada ang usa ka semanang kita. Matagamtam nimo ang bugti sa kahago ug pagsilibudlay diha sa internet. Sa sunod buwan mahimong makakubra na kog kada semana kay padayon pa man ang kontrata nga molanat og unom ka buwan o sobra pa, depende sa gikinahanglan sa employer.

Kon gusto kang magsugod nga mokitag dolyar gikan sa internet, sulayi ang oDesk. Sento porsento kining libre ug way mawala nimo. Masorpresa ka ra unya sa daghang tawo nga aktuwal nga mikitag dolyar sa maong balayan. Naay mga blogger, writer, web designer, translator, virtual assistant, uban. Silang tanan nakadiskobre nga ang home-based online jobs labi pang maayo kaysa magtrabaho sa pisikal nga opisina.

Sa mga wala pay kontrata, aniay pipila ka mahinungdanong giya aron makakuha kas una nimong kontrata sa oDesk:

Sutaa unsay imong abilidad. Sa dili ka pa magpadala sa imong resume ug cover letter sa potensiyal nga mga kliyente, sutaon nimo unsa ang imong area of expertise. Sa gihisgotan na nato sa unahan, naay daghang oportunitunidad sa pagpanarbaho sa oDesk. Pananglitan, kon hanas ka mogamit sa Photoshop ug CSS (Custom Style Sheet), mahimo nimong sulayan pag-aplay ang web designing. Kon may talento ka sa pagsulat, mahimo kang moaplay isip tigsuwat og mga artikulo nga ipatik sa mga balayan. Kon hanas ka mogamit sa Word ug Excel, mahimo kang moaplay isip data entry specialist. Ug daghan pang uban.

Seguroa nga duha kay panahon sa pagtrabaho onlayn. Gikinahanglan nga modesisyon ka kon gusto ba nimo ang full-time o part-time nga trabaho. Kon gusto nga kini himoong numero unong kahinguhaan og kita, maglatid kag regular nga eskedyul sa pagtrabaho nga konbenyente sa imong estilo sa kinabuhi. Sa laing bahin, kon kini himoon lang kahinguhaan og ekstra nga kita, maglatid ka usab kon pila ka oras ang igahin sa imong pagpangsaydlayn.

Mokuha sa oDesk readiness exam. Mokuha kag oDesk qualification test depende sa unsang matang sa trabaho nga gusto nimong aplayan. Kini nag-apil sa kalambigit nga mga pasulit nga magsukod sa imong kahibalo ug abilidad mahitungod sa espisipikong mga trabaho. Kon gusto kang mangaplay sa posisyon nga article writer, ang mga employer kasagaran nagpangita sa mga aplikante nga taas og score sa English Basic Skills (British o American version).

Yanohon ang pagpangitag trabaho. Ang oDesk naghatag og paagi aron mapasayon ang pagpangitag trabaho sa mga kontraktor. Duna kay opsiyon sa pagsuhid sa mga trabaho base sa mga kategoriya o base sa abilidad. Mahimo usab nimong palawman ang pagpangita pinaagi sa pagpangita sa tipo sa mga trabaho sama sa inoras ug pakyaw, lanat sa pagtrabaho (kubos sa usa ka buwan o sobra pa), part-time ba o full-time, ang feedback sa employer, ubp.

Pangandam alang sa imoong interbiyo. Kasagaran ang interbiyo ipahigayon pinaagi sa email o online chat. Ang employer magtakda sa petsa ug oras aron mainterbiyo ka pinaagi sa Skype ug Yahoo Messenger. Sa panahon sa interbiyo, magpakatinuod ka sa imong kaugalingon kon unsa ang imong ikatanyag nga abilidad ngadto sa employer nga makatabang usab sa ilang gimbuhaton, negosyo, ubp. Kini ang hustong higayon nga gamiton nimo ang imong abilidad sa negosasyon.

Ayaw pag-angka. Isalikway ang pag-angka kon dili man makakuhag trabaho sa una, sa ikabayente, o sobra pa sa imong aplikasyon. Hunahunaa, ang matag kontraktor dunay kahigayonan sa pagpadala og 20 ka aplikasyon sa trabaho matag semana. Gamita kini sa hustong paagi. Ayaw pagpanalaw kon isalikway ka sa mga employer o i-reject ang imong aplikasyon. Rebyoha hinuon ang imong profile. I-rewrite ang imong resume ug cover letter. I-update ang imong portfolio. Ug kon gikinahanglan, mokohag usab sa mga pasulit aron makakuhag taas nga score.

Hinaot nga kining gamayng giya makahatag og paglaom niadtong mga nagpangita pag trabaho ug sa nagpangitag sadlayn. Kay daghag oportunidad sa internet nga mokitag kuwarta basta dili lang maabusaran.

KON gusto kang mokita og dolyar, managbaho kas laing nasod. Mao niy pagtuo nako sa una. Apan karon, nausab na. Mahimo diay gihapong mokitag dolyar nga dili na mag-overseas Filipino worker (OFW). Bisag naa ras ba’y o sa mga internet shop, mahimo gihapong mag-OFW ug mokitag dolyar. Kini ang gitawag karon og online Filipino worker.  Ug kana dili imposible sa panabang sa gahom sa internet.

Daghang kabataan karon, bisan gani kadtong nag-eskuyla sa kolehiyo o bag-ong gradwado nga wala pa makasulod og trabaho, nalinga na sa pagpangitag trabaho onlayn. Kay tiaw ba nga mokita man diayg dolyar.

Kining freelance market place karon ang ginaduaw sa kabataang Pilipino bisan gani sa mga hamtong o mga ginang sa panimalay nga gustong dunay kahinguhaan nga sideline. Labing popular niini ang Guru.com, Elance.com, LiveWork.com, Freelancer.ph ug oDesk.com. Sa lima, ang oDesk.com maoy pinalabi sa kadaghanang OFW.

Ang oDesk matawag nga usa ka online staffing marketplace ug management platform nga magtagana og sayon nga paagi sa paghayr, pagdumala ug pagbayad sa mga indibidwal nga gustong motrabaho bisan diin mang dapit sa kalibotan.

Unsay mga Trabaho nga Naghulat sa oDesk

Sa oDesk, daghang oportunidad nga makatrabaho ang multi-talented nga Pilipino. Pipila sa mga trabaho nga mahimong kaaplayan ang:

·         Web Development sama sa web designing, web programming, website project management

·         Software Development sama sa desktop applications, game development, scripts & utilities, software plugins, mobile apps

·         Writing & Translation sama sa technical writing, website content writing, blog and article writing, copywriting, translation, creative writing

·         Administrative Support sama sa data entry, personal assistant, web research, email response handling, transcription.

·         Design & Multimedia sama sa graphic designing, logo designing, illutration, print design, 3D Modeling & CAD, audio production, video production, voice talent, animation

·         Customer Service sama sa customer service & support, technical support, phone support, order processing

·         Sales & Marketing sama sa advertising, email marketing, SEO-search engine optimization, SEM – Search engine marketing, SMM-social media marketing, public relations, market research & survey

·         Business Services sama sa accounting, bookkeeping, payroll, financial services & planning, legal, business consulting

Pila May Madawat nga Suweldo

Sa oDesk, ikaw ang magbuot kon pilay gustong ipabayad sa imong pagtrabaho. Mahimong pakyaw o inoras. Apan magdepende sab kini sa abilidad nga imong nahuptan kun kini ba ang pinangita sa mga employer kasagaran gikan sa Amerika, Canada, Australia, Britanya, India ug New Zealand, sa paghingalan og pipila.

And suweldo magdepende sa matang sa trabaho, sa lebel sa kahibalo ug reputasyon isip kontraktor sa oDesk. And mga bag-ong kontraktor dili dayon makapaningil og taas sa ilang trabaho. Mas ubos ang ilang pagpaningil sa ilang serbisyo hangtod nga makakuhag kontrata ug mailado ang maayong reputasyon isip online worker. Kon duna nay rekord sa paghatag og serbisyo sa oDesk ug maayong feedback sa employer, sayon na lang ang pagpataas og presyo ug dali na sab makakuha og trabaho.

Mahimo mag-full-time o part-time sa oDesk. Ug ang nakaayo niini kay hawid nimo ang oras. Ikaw ang magbuot kanus-a ka motrabaho ug pila ka oras ang trabahoon nga dili sad makalapas sa gisitar sa kliyente. Apan mahinungdann sad nga makahatag og maayong resulta sa gisangon nga trabaho. Dunay nakatrabahog usa ka semana, usa ka buwan, unom ka buwan, usa ka tuig ug ang uban ming-abot pag tulo ka tuig o sobra pa. Ug kini sa lang ka kliyente.

Kasagaran sa naghayr og trabaho sa oDesk mga manedyer ug gagmayng kompaniya nga nagpangitag kontraktor sa bisan unsang mga trabahoon nga mahimo nilang i-outsource sa mga Pilipino nga nailhan nilang maayong motrabaho bisag gamayg suweldo.

Unsaon nga Makakuhag Trabaho

Magsugod ka sa yano sahi sa tradisyonal nga paagi sa pagpangaplay og trabaho. Una, mag-andam sa profile ug ibutang ang  kaagi sa pagpanarbaho ug nahuptan nga abilidad. Mokuhag pasulit sa online skills tests aron masuta ang lebel sa abilidad, ug mag-upload sa bisan unsang kalambigit nga mga sampol sa portfolio. Buhaton ang tanan aron maseguro nga makita ug makatagad sa mga kliyente ang imong aplikasyon. Unya, mahimo ka nang magsugod sa pagpangaplay og trabaho. Gitambag sa mga beterano nga magsugod sa ginagmayng  trabaho aron makamugna og maayong mga feedback hangtod nga may igo ka nang kasinatian nga magamit pagpangaplay sa dinagko nga mga trabaho.

Sahi sa tradisyonal nga pagpangaplay og trabaho, ang unang trabaho maoy lisod. Mogugol kinig daghang oras ug paningkamot nga makatukod og maayong profile ug makakuha og unang trabaho. Niini, gitambag sa oDesk nga mokuha og pasulit sa ilang libreng online skills test aron motaas ang kuta sa aplikasyon sa mga trabaho nga gianunsiyo diha sa ilang balayan. Sa kakugi sa pagpangaplay inubanan sa taas nga lebel sa abilidad, taas ray usa ka semana, makatrabaho na ka.

Sa imong pagpangaplay, mahimo sab nimong sutaon ang kliyente nga nagpaanunsiyo sa gusto nimong aplayan nga trabaho. Kon kini maayo bag feedback sama sa kaagi sa pagpamayad niini sa nahuman nang gianunsiyo nga mga trabaho.

Pila ka Trabaho ang Mahimong Aplayan

Libre kanunay ang pag-aplay og trabaho. Ugaling dunay limit sa mahimong aplayan nga trabaho ang bag-ong kontraktor. Ang bag-ong kontraktor nga wala pay feedback ug wala pay napasaran nga skills tests, mahimo lang makaaplay og duha ngadto sa lima ka trabaho sa usa ka higayon.  Ang kontraktor nga nakakuha nag upat o sobra pa nga pasulit o dunay feedback rating nga 4.0 o taas pa, mahimo nang makaaplay og 20 ka trabaho sa usa ka higayon.

Unsay Paagi sa Pagkuha sa Bayad sa Serbisyo

Mahimo nimong makuha ang bayad sa imong pagtrabaho pinaagi sa MoneyBookers, wire transfer nga maoy pinalabi sa kadaghanang kontraktor sama sa Payoneer ug Debit MasterCard. Apan mahimo sab nga ideposito diretso sa imong bank account kun duna man.

Higala, kon karon nagpangita ka pag trabaho, sulayi ang oDesk (www.odesk.com). Basin diayg makakita     ka rag haom nga trabaho nga sibo sa imong talento ug abilidad.